Salvation Camping nei mek
Lawngtlai College Veng BCM Bethani Kohhran bultumin Kross Thupuangtu Team Pu Vanlalengmawia Sailo ho in tunlai hian Salvation Camping an nei a. Tun thawhlehni tlai lam atang hian Camping chhawng 5-na an nei tan leh dawn a ni. Kohhran hrang hrangte tawngtaipui turin an ngen a. He Camping ah hian Setana pawlte an che nasa hle niin kan thudawnna chuan a sawi.
Awareness nei dawn
Vawiin tlai Dar 3:00 hian JH.Lorrain Hall Lawngtlai Bazar ah AVBD leh MSACS ten Blood Donation chungchangah Awareness an nei dawn. Dr.Eric Zomawia Project Director MSACS leh Doctor pahnih te lokalin Paper an present ang.
NEICC Exchange Programme
Karkalta Inrinni atang khan Mizoram Presbyterian Kohhran Hmeichhia Central Committee te leh LIKBK Hmeichhia Pawl te chuan Kum 2009 a NEICC khawmpui thurel bawhzuiin, LIKBK Bazar Biak In ah ‘Inpumkhatna’ tih thupui hmangin Exchange Programme an rawn hmang a. Aizawl atang hian Pi Laltlanmawii Chairman ho in mi pali an lokal a, hun hlimawm tak hmangin nizan khan he programme hi a tiak ta a ni.
FCI Godown
FCI Godown ah hian Dt 24th May 2011 atang khan Buhfai dah tan niin, an dah tawh zawng zawng hi Qtl 15,300 ani a. Issued tawh zat hi Qtl 970 niin tuna record kan hriat hnuhnung berah chuan Qtl 8070 la awm anga chhut a ni.
Thawhtanni Dt 18th July 2011 (mon) : Karkalta Zirtawpni khan JH.Lorrain Hall Lawngtlai Bazar ah Association for Voluntary Blood Donation Lawngtlai District bultumin, Lawngtlai khawpui chhungah Kohhran Thalai leh NGO hruaitute nen Awareness Campaing neiin a thlawna Thisen pek kan mamawh zia inzirtirna hun hman a ni. He hun hi an pawl Publication Secretary Pu Elvis Lalthangzuala’n kaihruaiin ‘A thlawn a thisen pek hi a kristian zia a ni a, mamawhtu ten an mamawh huna thisen an dawn theihna turin Blood Donation hi i uar ang u,’ tiin kalkhawm te a chah a ni. Hemi hnu hian Secretary Pu F.Lalsangkima chuan report pe in Kumin hian Thisen Unit 460 chuang zet donate a nih thu leh Kum 2011 chhung hian Donation Camp 15-18 tal neih a nih theihna turin Thalai pawl leh NGO Donation nei turin a sawm a. Rev.V.Lal-hmingsang’n Voluntary Blood Donation chungchanga hriattur pawimawh hrang hrang te paper a present bawk a ni.
