Lawngtlai 3 Aug 2010 : Nimin khan Lawngtlai District Merchant Association te chuan Lawngtlai khawpui chhunga dawr zawng zawngte kharin sorkara an lungawi lohna an lantir a. He an dawr khar avang hian mipui nungphung a khaihlak nasa hle a ni.
Lawngtlai District Merchant Association te chuan Lawngtlai khawpui chhungah Foreginer te leh Non-Tribal ten sumdawnna kawngah annawm-anmak a, min chinglet vel hi na kan ti an ti a. LDMA te hian hetiang zela min kan khawpui berah hnam dangte ngampa taka sumdawnna kawng an rawn zawh a nih chuan rei lote ah chim ral kan ni dawn a ni an ti.
Hnam dang ILP a Mistiri nise dawr nei mi eng emaw zat an awm thusawiin heng mite hian awlsam takin Trade Licence an neih thusawiin hei hi dan kalh a ni a, sorkarin heng mite awlsam taka Trade Licence a pe thei hi mak an tih thu leh heng ho a\ang te leh District dang a\anga lokal te hnen a\ang hian mi\henkhat ten an mahni hlawkna tur ngawt ngaihtuaha sum an lak thu te pawh an sawi lang a ni.
LDMA chuan kan ram ah leh kan khawpui chhungah ngei mai,eizawnna kawngah leh kawng tin reng a in chimralna (Assimilation) nasa tak kan tawng mek a, hei hi kan ram sorkar LADC in a ngaihthah em em mai hi keini LDMA chuan \halo kan ti a, kan theih tawk a do tlat kan tum a ni an ti a.
LDMA chuan mi pahnih khat hlawkna tur avanga kan ramin economic assimilation a tawk chho mek chu pawi an tih thusawiin chhimral kan nih lohna turin kawng hrang hranga hmalak zel an tum thusawiin sorkar lam pawh inenfiah se an duh hle ani.
No comments:
Post a Comment