PRESS NOTE
By Pu Chhuanawma, Executive Member i/c Information

Dt 8.8.2011, 11:30 AM khan Lawngtlai chanchinbu mi te nen a thawhhona tha leh duhawm zawk kan neih theihna tur zawk a nih beiseiin ka Office Chamber ah thingpui inhona kan nei a. Hemi tum hian Lawngtlai Journalist te hamthatna tura District dang anga Budget a sum kan dah theih rih loh avangin an hnenah hian an hriatthiamna ka ngen rualin, beidawng mai lova taima taka sorkar hmalakna te chanchinbu a tichhuak thin turin ka chah a, LADC budget chungchang hi explain ka tum a ni lova, jornalist te tana sum beisei anga kan dah theih lohna chhan chu LADC in Sixth Pay kan enjoy ve ta si a, chuvangin thawktute hlawh atan kan budget ah 96% kal anga ka sawi hi ka sawisual palh (slip of tongue) a ni a, 96.74% tih zawk a ni a, ka sawisual palh avangin pawi ka ti takzet a ni.Hemi chungchanga chanchinbu hrang hrang leh Cable TV lama Executive Secretary in a sawifiahna ni awm tak lo lang hi sawi fiahna a nih rau rau chuan, awmze nei leh proceeding fel taka tih ni se ka duhdan a ni a, chu chu sorkar kalphung tur dik tak pawh a ni bawk. Tin, hemi ni ah hian Budget explain ka nih loh avangin 2011-2012 Non-Plan leh Plan LADC Session in kan passed tawh sa a percent (Council Budget) tiin Non-Plan leh Plan pawh sawi hrang chuang lovin ka sawi mai a ni. He mi chungchangah hian nasa taka beih ka nih takah chuan mipuite hriatthiamna dil pahin ka han sawifiah a ni e.
LADC Annual Plan Budget 2011-2012 LADC Session in a pass chu Rs.1540/- lakhs a ni a, hemi chungchang Executive Secretary in chiangkuang lo deuh a, a ziah Phawngpui Express Dt 10.8.2011 hian awmzia neiin ka hmu lova, Phawngpui Express bawk dt 11.8.2011 a Rs 2216 lakhs hi LADC Session hian ala pass lo a ni.
Kum 2011-2012 a LADC Budget Estimate passed tawh atanga thawktute hlawh (salary) atan a dah chu Non-Plan Rs. 4777/- lakhs a ni a, hei hi 98.55% a ni. Tin, Plan ah hian Rs. 1402/- lakhs Salary atan dah a ni a, hei hi 91.06% a ni. Tichuan Plan leh Non-Plan a Salary belhkhawm chu 96.74% ani zawk a ni.
Budget la pass loh Mizoram Sorkar atanga Sectoral Allocation tihfel tawh hu Rs. 2216/-lakhs a ni a, hemi chungchangah hian 13th Finance Commission atanga Work Component atan bika sum kan dawnRs 175/- lakh hi a tel a, hei hi a nihna takah chuan Council Budget ni lovin a hrana LADC in kan dawn zawk a ni.Chu chu a chianna chu fund hi Item wise a allocate sa a pek kan ni. Tichuan Rs. 175/- lakhs 13th Finance Commission atanga kan dawn paih chuan Rs. 2041/- lakhs alo ni ang a, hemi atang hian thawktu hlawhah Rs. 1240/- lakhs a kal leh a, chu chu 60.75% a ni. Tichuan, Salary atan a hman zawng zawng chu Plan leh Non-Plan ah 87.35% a ni zawk a ni.
Khiti ang khi LADC Budget 2011-2012 kalphung chu a ni a, chuvangin kei chuan chanchinbu mi te ni 8.8.2011 a ka kawmna ah khan LADC passed sa Non-Plan leh Plan pawh sawi hrang chuang lovin chanchinbu mi te hamthatna duh anga kan pek theih loh pawi ka tih thu ah LADC Budget 2011-2012 a 96.74% salary a nih thu hi exact figure lo deuhin round up in 96% tiin ka sawi mai zawk a ni. Chuvangin dawhkan hmaa chinfel theih chu reng reng chu hetia anga tih teh nuai ngai lo hian tihfel thin tum tawh ni se a tha hle ang.