A vawihnihna atan nimin Dt 11.Aug,2011 khan MJA Lawngtlai District chuan Mizoram Sawrkar in Office kai hun chhung a siam chu, Lawngtlai khawpui chhung a Sorkar pisa ten an zawm that leh that loh hre tura sorkar pisa hrang hrang an fankualna ah zawm a hlawh tha vak lo nin an hria.
Nimin zing dar 9 leh Dar 10 inkar khan MJA Member te hian Office tan hun zing dar 9 tih chu zawm a hlawh that leh that loh enin Lawngtlai a State Sawrkar leh LADC Office te an tlawh a. He mi hnu a an President Pu ZD Dengngura kaihhruai a Press Club a Meeting an neih ah MJA te chuan Office tan hun zing dar 9 ruahman chu hnathawktute hian an zo lo deuh niin an hria a, State Sawrkar in Office tan hun hi siamtha thei se an duhthu an sawi.
Office an tlawh kualna ah hian Sawrkar dan dinglai zawm tha tak tak Officer leh Staff engemawzat an awm laiin, zawmtha lo hmuh tur an awm nual a, Office thenkhat phei chu Office tan hun a la inhawng lo te pawh an awm a, Office in hawng si a chhunga thawktu awm miah loh na te pawh an nual bawk. Sawrkar in Office tan hun a siam hi a bikin DC leh LADC a Executive Secretary te chuan an zawm tha hle a ni. MJA Lawngtlai District te hian August 4 khan Lawngtlai a Sawrkar Office te hi an lo fangkual tawh a, hemi tum hian DC titipui nghal in, Lawngtlai DC Pu B.Lalhmingthanga chuan Department tin te chu Office hunchhung dik taka vawng turin a hriattir tawh a, MJA ten office an fankual tumhnihna ah hian an fan hmasak aiin hmasawnna sawi tham hmuhtur an hre chuang lo. MJA Member Office tlawh a chhuakte hian State Sawrkar Office 21 bak ah LADC Sawrkar Department hrang hrang te an tlawh.